NOVO CURSO

NOVOS CLUBS DE LECTURA

Este curso, tiramos a casa pola fiestra. Formamos catro clubs de lectura:

-  Club dos luns: alumnado de 5º de primaria

-  Club dos martes: alumnado de 4º de primaria

-  Club dos xoves: alumnado de 6º de primaria

-  Club de adultos "de botas e tenis": 4 nais e 8 mestres e mestras

Na primeira reunión dos clubs dos luns, martes e xoves; falamos das normas do club, decoramos uns pauciños que nos servirán para seguir a lectura e repartimos as pulseras que nos definen como clubs:

E feito todo isto, empezamos coas primeiras lecturas: 

- en 4º lemos Peter Pan

- en 5º e 6º lemos "Unha veciña de película" de Iria Misa

No club de adultos "de botas e tenis" fixemos uns xogos para descubrir os tres libros que imos ler ao longo do curso; as súas autoras e o argumento de cada un deles. Decidimos cal dos tres íamos ler de primeiro, e de cando quedabamos para falar da lectura (luns en horario extraescolar de tarde). O parladoiro resultou do máis interesante: buscamos un nome que definira o noso club e repartimos entre todos un lápiz "máxico" que escribe de varias cores, as cales representan as diferentes historias que imos ler.

 ENCONTRO CO ALUMNADO DO CLUB DE LECTURA DO CPI O CRUCE

A rapazada de 5º e 6º de primaria, viaxou ata Cerceda para manter un encontro coa rapazada do Club de Lectura do CPI O Cruce. Xuntámonos na súa biblioteca e entre todos argallamos un conto moi divertido.

Foi o mellor xeito de poñer fin ao noso primeiro curso co Club de Lectura. dos Venres.

Nos levámoslle de agasallo  "lecturEGUEIFAS", un resumo a modo de regueifa dos libros que lemos no noso Club de Lectura. 

               

 CLUB DOS VENRES/ 6º PRIMARIA

literatura de ficción

A rapazada de 6º de primaria estivo moi atenta á presentación da obra narrativa que imos ler no club dos venres. Neste caso o libro escollido é "Unha veciña de película" de Iria Misa.  

                    

Para non mercar tantos exemplares, trouxemos catorce exemplares do CEIPP Vicente Otero Valcárcel de Carral. É fantástico que nos emprestaran os libros que  nos recomendaron. 

 PURO TEATRO

No club de lectura de 6º de primaria rematamos de ler Wombo Combo e Atranco no Banco. Puxémonos na pel dunha  compañía de teatro co xogo PURO TEATRO de Guridi. 

 

CLUB DE LECTURA DE 5º DE PRIMARIA

As nenas de 5º de primaria empezaron a ler o 2º libro deste curso:

Antes de empezar coa lectura coñecemos un pouco á súa autora Fina Casalderrey. Tamén  presentamos a sinopse e a temática que aborda o libro. Tamén decidimos entre as nenas e Teresa, a responsable do club de lectura, que iamos facer a lectura entre todas en voz alta. Imos lendo cada unha un capítulo na orden que decidiu o azar. Estanos encantando.

 CLUB DOS VENRES

As xuntanzas do club de lecturas de 5º e 6º de primaria están resultando moi, moi intersantes.

Un dos grupos de 6º estamos rematando Wombo Combo de Paula Carballeira

 O grupo de nenas de 5ª  remataron de ler La cena con la reina. Na próxima xuntanza agardannos algunhas sorpresas.

 I XUNTANZA DO CLUB DE LECTURA 

 5º E 6º DE PRIMARIA