ENCONTRO ALUMNADO CLUB LECTURA CPI O CRUCE
O alumnado de 5º e 6º de primaria, acompañados de Belén a titora de 6º e de Lorena, a responsable da biblioteca do CPI O Cruce, o outro cole do noso concello, viñeron ata o Celso Emilio para compartir un anaquiño do seu tempo coa rapazada dos nosos clubs de lectura. Ao chegar, invitámolos a merendar con nos. Ensinámoslle os espazos do centro, participamos nunha busca do tesouro, visionamos a curta en stop motion coa que gañamos o 1º premio do concurso de "Nos tamén creamos", compartimos con eles o tempo de lecer...
Agasallámolos co marcapáxinas gañador do VII Concurso de marcapáxinas da Bibliosilva, obra de Clara de 6º de primaria. Eles prepararon para nos un caderno de recomendacións literarias que imos ter moi en conta.
Foi unha mañá do máis entretida.
Graciñas por vir. De seguro que no vindeiro curso nos agarda algunha que outra sorpresiña.
...VAI DE PELÍCULA
Rematando o mes de abril, o mes do libro, recibimos a Iria Misa, a autora de dous dos libros que estamos lendo no club de lectura dos luns e no club de lectura dos xoves.
Iria compartiu coa rapazada de 5º e 6º de primaria un anaquiño do seu tempo, explicándonos polo miúdo aspectos interesantes de "Unha veciña de película" e "A excursión a Cans". Os dous libros reflexan o seu amor polo cine e pola música. Amor que todos os participantes no club fomos apreciando ao longo da lectura. Lectura que fixemos en voz alta, e que nos prestou moito.
Resultou un parladoiro do máis entretido. A cercanía de Iria fixérono posible.
Preparamos para Iria varios agasallos e agradecémoslle de corazón a súa visita.
CLUB DE LECTURA "DE BOTAS E TENIS"
As opinións con respecto ao libro e a súa lectura deron moito de sí. En xeral o libro gustounos moito a todos os participantes. É un libro moi longo, pero impactounos a historia de Aurora, amamos a Brais, e emocionounos o final.
Interpelamos a Antía sobre se o libro é autobiográfico, se lle levou moito tempo escribilo, como construíu os personaxes... Antía respostou con agarimo a todas as nosas cuestións.
CLUB DE LECTURA DOS XOVES
A rapazada de 6º de primaria apuntouse á lectura en voz alta. Remataron de ler o libro de Iria Misa "unha viciña de película".
Todos aprendemos moito sobre lectura e sobre cine. Visionamos os trailers das películas que se nomean no libro, e quedamos en ver unha delas, se cadra "El gran dictador".
CLUB DE LECTURA "DE BOTAS E TENIS"
Catro nais e oito mestres conformamos o club de lectura de adultos.
Os que puidemos, xuntámonos para poñer en común o primeiro libro que lemos: "Almendra" da escritora Won-Pyung Sohn.
Escoitamos con interés o aportado por cada un de nos, reflexións sobre os protagonistas, o que nos emocionou, cousas que para algún debían de estar e non estaban...
Agora imos con ánimo a pola seguinte lectura.
NOVO CURSO
NOVOS CLUBS DE LECTURA
Este curso, tiramos a casa pola fiestra. Formamos catro clubs de lectura:
- Club dos luns: alumnado de 5º de primaria
- Club dos martes: alumnado de 4º de primaria
- Club dos xoves: alumnado de 6º de primaria
- Club de adultos "de botas e tenis": 4 nais e 8 mestres e mestras
Na primeira reunión dos clubs dos luns, martes e xoves; falamos das normas do club, decoramos uns pauciños que nos servirán para seguir a lectura e repartimos as pulseras que nos definen como clubs:
- en 4º lemos Peter Pan
- en 5º e 6º lemos "Unha veciña de película" de Iria Misa
No club de adultos "de botas e tenis" fixemos uns xogos para descubrir os tres libros que imos ler ao longo do curso; as súas autoras e o argumento de cada un deles. Decidimos cal dos tres íamos ler de primeiro, e de cando quedabamos para falar da lectura (luns en horario extraescolar de tarde). O parladoiro resultou do máis interesante: buscamos un nome que definira o noso club e repartimos entre todos un lápiz "máxico" que escribe de varias cores, as cales representan as diferentes historias que imos ler.
ENCONTRO CO ALUMNADO DO CLUB DE LECTURA DO CPI O CRUCE
A rapazada de 5º e 6º de primaria, viaxou ata Cerceda para manter un encontro coa rapazada do Club de Lectura do CPI O Cruce. Xuntámonos na súa biblioteca e entre todos argallamos un conto moi divertido.
Foi o mellor xeito de poñer fin ao noso primeiro curso co Club de Lectura. dos Venres.
literatura de ficción
A rapazada de 6º de primaria estivo moi atenta á presentación da obra narrativa que imos ler no club dos venres. Neste caso o libro escollido é "Unha veciña de película" de Iria Misa.
Para non mercar tantos exemplares, trouxemos catorce exemplares do CEIPP Vicente Otero Valcárcel de Carral. É fantástico que nos emprestaran os libros que nos recomendaron.
CLUB DE LECTURA DE 5º DE PRIMARIA
As nenas de 5º de primaria empezaron a ler o 2º libro deste curso:
... THE END Poñemos o ramo a un curso de lecturas de cine co noso alumnado de 3º de primaria, futuros compoñentes do club de lectura de 4º....
