NOVA LECTURA

Alumnas e alumnos de 6º de primaria, compoñentes  do club de lectura dos xoves, seguimos coa autora Iria Misa e con outro libro da súa autoría: "A excursión a Cans. Unha veciña de película". 

E de novo con lectura en voz alta, que nos présta moito.

CLUB DE LECTURA DOS XOVES

A rapazada de 6º de primaria apuntouse á lectura en voz alta. Remataron de ler o  libro de Iria Misa "unha viciña de película".

 Todos aprendemos moito sobre lectura e sobre cine. Visionamos os trailers das películas que se nomean no libro, e quedamos en ver unha delas, se cadra "El gran dictador".

Agora a pola segunda parte; van de cabeza cara o festival de Cans. 

 CLUB DE LECTURA

4º DE PRIMARIA

A rapazada de cuarto avanza na lectura do libro "Peter Pan". Está resultando do máis interesante. Será por eso que están todos tan concentrados.

 CLUB DE LECTURA "DE BOTAS E TENIS"

Catro nais e oito mestres conformamos o club de lectura de adultos. 

Os que puidemos, xuntámonos para poñer en común o primeiro libro que lemos: "Almendra" da escritora Won-Pyung Sohn.

Escoitamos con interés o aportado por cada un de nos, reflexións sobre os protagonistas, o que  nos emocionou, cousas que para algún debían de estar e non estaban... 

Agora imos con ánimo a pola seguinte lectura.

Facemos nosas as palabras de Yunjae: "decidín afrontar a vida (...) tal como ven e na medida en que podo sentila"

 CLUB DE LECTURA 

6º DE PRIMARIA

A rapazada de 6º de primaria segue sen pausa a lectura do libro "Unha veciña de película". Lectura e cine van da man. 

 NOVO CURSO

NOVOS CLUBS DE LECTURA

Este curso, tiramos a casa pola fiestra. Formamos catro clubs de lectura:

-  Club dos luns: alumnado de 5º de primaria

-  Club dos martes: alumnado de 4º de primaria

-  Club dos xoves: alumnado de 6º de primaria

-  Club de adultos "de botas e tenis": 4 nais e 8 mestres e mestras

Na primeira reunión dos clubs dos luns, martes e xoves; falamos das normas do club, decoramos uns pauciños que nos servirán para seguir a lectura e repartimos as pulseras que nos definen como clubs:

E feito todo isto, empezamos coas primeiras lecturas: 

- en 4º lemos Peter Pan

- en 5º e 6º lemos "Unha veciña de película" de Iria Misa

No club de adultos "de botas e tenis" fixemos uns xogos para descubrir os tres libros que imos ler ao longo do curso; as súas autoras e o argumento de cada un deles. Decidimos cal dos tres íamos ler de primeiro, e de cando quedabamos para falar da lectura (luns en horario extraescolar de tarde). O parladoiro resultou do máis interesante: buscamos un nome que definira o noso club e repartimos entre todos un lápiz "máxico" que escribe de varias cores, as cales representan as diferentes historias que imos ler.

 ENCONTRO CO ALUMNADO DO CLUB DE LECTURA DO CPI O CRUCE

A rapazada de 5º e 6º de primaria, viaxou ata Cerceda para manter un encontro coa rapazada do Club de Lectura do CPI O Cruce. Xuntámonos na súa biblioteca e entre todos argallamos un conto moi divertido.

Foi o mellor xeito de poñer fin ao noso primeiro curso co Club de Lectura. dos Venres.

Nos levámoslle de agasallo  "lecturEGUEIFAS", un resumo a modo de regueifa dos libros que lemos no noso Club de Lectura.